U Paryžy ŭ niadzielu, 29 vieraśnia, adbyvajecca cyrymonija raźvitańnia z byłym prezidentam Francyi Žakam Šyrakam, paviedamlaje «Jeŭrapiejskaja praŭda» sa spasyłkaj na RFi.
Trunu ź ciełam Žaka Šyraka, akrytuju francuzskim trykałoram, vystavili ŭ dvary Doma Invalidaŭ, la sabora Śviatoha Ludavika. Na cyrymoniju raźvitańnia mohuć pryjści ŭsie, chto žadaje. Jana pačałasia a 14-j pa miascovym časie, ale jašče za niekalki hadzin da jaje pačatku la Doma Invalidaŭ utvaryłasia vialikaja čarha.
Pravieści narodnaje raźvitańnie pažadała siamja Žaka Šyraka. Dla ŭsich, chto pryjdzie ŭ Dom Invalidaŭ, siamja eks-prezidenta pryhatavała brašury ź jahonymi vykazvańniami.
Ranicaj 30 vieraśnia Žaku Šyraku addaduć voinskija ŭšanavańni ŭ hanarovym dvary Doma Invalidaŭ u prysutnaści ciapierašniaha prezidenta Emaniuela Makrona.
Paźniej u paniadziełak cyrymonija raźvitańnia projdzie ŭ paryžskaj carkvie Sien-Siulpis. Na joj buduć prysutničać kala tryccaci kiraŭnikoŭ dziaržaŭ i ŭradaŭ, u tym liku prezident Rasii Uładzimir Pucin.
Žak Šyrak pamior 26 vieraśnia ŭ Francyi va ŭzroście 86 hadoŭ. Jon byŭ prezydentam Francyi na praciahu 12 hadoŭ — z 1995 pa 2007 hod.
