54,5% biełarusaŭ za sajuz z Rasijaj, 25% — za sajuz ź Jeŭropaj. Jašče 20,5% apytanych nie viedajuć, što adkazać, ci nie vyznačylisia z adkazam na hetaje pytańnie. Takija ličby, jak piša Jeŭraradyjo, ahučyŭ 28 vieraśnia na Kanhresie daśledčykaŭ Biełarusi kiraŭnik «Biełaruskaj analityčnaj majsterni» Andrej Vardamacki.
Źviestki sapraŭdnyja na žnivień 2019 hoda. Kali razhladać pytańnie ŭ dynamicy, bačna, što kolkaść prychilnikaŭ intehracyi z Rasijaj pastupovia źmianšajecca — za hod ich stała mieniej amal na 9 pracentnych punktaŭ. Kolkaść prychilnikaŭ jeŭrapiejskaha šlachu dla Biełarusi vahajecca pamiž 20% i 25%. A voś tych, chto vahajecca, apošnim časam stała bolš.
Kab atrymać hetyja dadzienyja, była apytanaja 1 tysiača čałaviek.
Słajd sa źviestkami z dakłada Andreja Vardamackaha / Jeŭraradyjo
Mižnarodny Kanhres daśledčykaŭ Biełarusi prachodzić u Vilni z 27 pa 29 vieraśnia 2019 hoda. Mierapryjemstva sabrała kala 600 udzielnikaŭ. Andrej Vardamacki pradstaviŭ na im daśledavańnie «Rasijskija kaštoŭnaści abo jeŭrapiejskija dabroty».
