Taksisty i supracoŭniki DAI Bresta vyjavili niećviarozaha piešachoda, jaki nočču lažaŭ na prajeznaj častcy. Sumiesnymi namahańniami mužčynu ŭdałosia prybrać z darohi, paviedamlaje MUS.
Mužčynu siońnia kala 2.00 na vulicy Maskoŭskaj zaŭvažyŭ taksist. Jon spyniŭsia i pasprabavaŭ akazać jamu dapamohu. Pjany piešachod nie chacieŭ padymacca i pavodziŭ siabie ahresiŭna. Taksist vystaviŭ znak avaryjnaha prypynku i vyklikaŭ supracoŭnikaŭ Dziaržaŭtainśpiekcyi.
Inšyja kiroŭcy taksama spynilisia i aharadzili čałavieka, što lažaŭ na darozie, svaimi aŭtamabilami. Supracoŭniki DAI i hramadzianie prybrali piešachoda z prajeznaj častki. Mužčyna praciahvaŭ pavodzić siabie nieadekvatna, usie jaho sproby padniacca na nohi zakančvalisia padzieńniem.
Piešachodam akazaŭsia 38-hadovy bieraściejec, jaki admoviŭsia ad prachodžańnia miedycynskaha ahladu. Na mužčynu skłali administracyjny pratakoł za parušeńnie pravił darožnaha ruchu ŭ stanie ałkaholnaha apjanieńnia.
