Nieviadomyja ad imia dziaržaŭnych orhanaŭ rassyłajuć biełaruskim kampanijam listy sa škodnym źmieścivam, paviedamlaje MUS.
Ad dziejańniaŭ złamyśnikaŭ užo paciarpieli niekalki biełaruskich kampanij. Na ich elektronnyja skryni pastupali listy, paśla znajomstva ź jakimi kampjutary błakavalisia.
Usie paviedamleńni adpraŭlalisia ad imia dziaržaŭnych orhanaŭ i arhanizacyj. Nazvy staronak abo abrevijatury byli ŭ nazvach paštovych skryń, ź jakich pastupali paviedamleńni. Ad imia Ministerstva antymanapolnaha rehulavańnia i handlu z adrasa «[email protected]» nakiroŭvalisia paviedamleńni pra ŭklučeńnie ŭ płan vybaračnych pravierak, dadatkovaja infarmacyja pra jakija nibyta znachodziłasia ŭ prymacavanym fajle-archivie. Paśla jaho adkryćcia kampjutar błakavaŭsia, pačynaŭsia praces šyfravańnia ŭsioj kamiercyjnaj infarmacyi.
Jak padkreślili ŭ MUS, dziaržaŭnyja orhany nie vykarystoŭvajuć biaspłatnych elektronnych paštovych servisaŭ dla rassyłańnia paviedamleńniaŭ słužbovaha charaktaru. Dla hetaha vykarystoŭvajecca pošta z damiennym imiem gov.by.
