Zdareńnie adbyłosia ŭ Partyzanskim rajonie, paviedamlaje staličnaja milicyja.
U adździaleńnie milicyi źviarnułasia 60-hadovaja žančyna. Jana raspaviała, što pakul była na pracy, z kvatery źnikła elektraplita, 10 talerak, 5 par škarpetak, kuchonny ručnik, a taksama banka tušonki. Pryčynienuju škodu žančyna acaniła ŭ 60 rubloŭ.
Staličnyja apieratyŭniki ŭ chodzie vyjavili asobu złamyśnika. Heta była 36-hadovaja znajomaja paciarpiełaj.
Supracoŭnikam milicyi žančyna patłumačyła, što trapić u kvateru da znajomaj u jaje nie skłała pracy, bo jana viedała, što ŭvachodnyja dźviery kvatery drenna začyniajucca.
Kali haspadynia kvatery była na pracy, minčanka vyrašyła naviedać žyllo siabroŭki. Pahrukaŭšy ŭ dźviery, i, pierakanaŭšysia ŭ tym, što ŭ kvatery nikoha niama, prakrałasia ŭ kvatery, adkul u dalejšym vyniesła rečy, jakija spadabalisia joj.
