president.gov.by
Alaksandr Łukašenka vystupaje za narmalizacyju adnosin z Turkmienistanam. Ab hetym jon zajaviŭ siońnia, pryznačajučy novaha pasła ŭ hetaj krainie Viačasłava Biaskostaha, piša BiełTA.
«Z Turkmienistanam u nas zaŭsiody byli bliskučyja, dobryja adnosiny. I tyja prablemy, jakija siońnia isnujuć (a jany isnujuć i buduć isnavać zaŭsiody, ź lubymi dziaržavami), - treba sustrecca sa słužbovymi asobami, jakija zajmalisia tam budaŭnictvam, pierš za ŭsio Harłykskaha kambinata, treba vychodzić z hetaj situacyi dastojna. Heta ž niadobra, što my z družalubnym narodam pačynajem u sudach vieści razborki», - skazaŭ biełaruski lidar.
«I potym, što dobraha ŭ tym, što siońnia hety kambinat prastojvaje. Daŭno ŭžo možna było zdabyvać kalijnuju sol, pradavać i atrymać vializnyja dachody. Paŭtara miljarda ŭ hod jany lohka mohuć mieć dachodu. Rynak pobač. Tamu treba ź Miaśnikovičam pierahavaryć - jon zajmajecca hetaj prablemaj hruntoŭna, pierahavaryć z tymi, chto budavaŭ jaho (Harłykski horna-abahačalny kambinat), udakładnić jašče raz, jakija prablemy i jak my ich budziem vyrašać. Heta asnoŭnaje pytańnie, jakoje ŭstanaŭlivaje narmalnyja adnosiny. Dumaju, hetym treba zaniacca», - zajaviŭ Alaksandr Łukašenka.
Było adznačana, što ŭ lubym vypadku nichto ź inšych patencyjalnych partnioraŭ nie prapanuje Turkmienistanu takich umoŭ, jak biełaruski bok. «Dumaju, prosta treba adnavić hetu razmovu, nie naciskajučy adzin na adnaho. Kali ŭžo nie atrymajecca, tady budziem iści adpaviednym šlacham», - dadaŭ Prezident.
Jon pacikaviŭsia, nakolki Viačasłaŭ Biaskosty viedaje Turkmienistan i isnujučuju prablematyku. Ministr zamiežnych spraŭ Uładzimir Makiej u suviazi z hetym rastłumačyŭ, što dypłamat kuryravaŭ hety napramak na pasadzie namieśnika načalnika ŭpraŭleńnia krain SND u MZS. Da hetaha jon praciahły čas pracavaŭ u Nihieryi, dzie taksama stanoŭča siabie zarekamiendavaŭ. «U samy ciažki čas praktyčna pačynaŭ i stvaraŭ tam asnovu dla našaha supracoŭnictva, - raskazaŭ kiraŭnik źniešniepalityčnaha viedamstva. - Spadziajomsia, što jon z dypłamatyčnym vopytam zmoža ŭ Turkmienistanie vybudavać rabotu ŭ patrebnym dla nas napramku»
