Ranicaj 6 vieraśnia ŭ milicyju pastupiła paviedamleńnie ad supracoŭnikaŭ vartavoj achovy rybhasa pra toje, što padčas niezakonnaj łoŭli ryby z sažałki byŭ zatrymany mužčyna.
Na miescy zdareńnia pravaachoŭniki zatrymali 30-hadovaha biespracoŭnaha žychara Salihorska. Pry sabie ŭ jaho byli poliprapilenavyja miaški, u jakija była raskładziena vykradzienaja ryba.
Mužčyna pryjechaŭ da sažałki ŭ rajonie 21.00 5 vieraśnia i rasstaviŭ pa vadajomie 4 rybałoŭnyja sietki, kožnaja praciahłaściu kala 50 mietraŭ. Nočču jamu ŭdałosia sabrać niemały ŭłoŭ — 270 kh karpa i bolš za 8 kh taŭstałobika.
Zaviali kryminalnuju spravu pa častcy 1 artykuła 205 Kryminalnaha kodeksa Respubliki Biełaruś (kradziež). Padazravanamu pahražaje pakarańnie hramadskimi pracami, abo štrafam, abo papraŭčymi rabotami na termin da dvuch hadoŭ, abo aryštam, ci abmiežavańniem voli na termin da troch hadoŭ, abo pazbaŭleńniem voli na toj ža termin.
