Niesuciašalnaja statystyka: razryŭ u dachodach biełarusaŭ i ich susiedziaŭ na Zachadzie praciahvaje raści.
Siaredniaja zarpłata ŭ Biełarusi ŭ pieršym kvartale hetaha hoda składała trochi mienš za 500 dalaraŭ, u druhim uźniałasia da 540 dalaraŭ (da vypłaty padachodnaha padatku).
U toj ža čas siaredniaja zarpłata ŭ Litvie za pieršy kvartał 2019 hoda vyrasła proci 2018 hoda na 7,9%, da 1289 jeŭra, abo 1410 dalaraŭ.
U Polščy ŭ 2019 hodzie siaredniaja zarpłata vyrasła prykładna na 6% proci 2018 hoda i składaje ciapier kala 1300 dalaraŭ (statystyka tam padličvaje zarobki biez vypłaty premijalnych i nadbavak).
U Estonii zarobki vyraśli na 7,4%, da 1419 jeŭra.
U Łatvii paviedamiła, što zarobki ŭ pieršym kvartale 2019 hoda pavialičylisia na 7,8%, da 1036 jeŭra.
Rost razryvu ŭ zarobkach pryviadzie da narastańnia pracoŭnaj mihracyi ź Biełarusi ŭ krainy Jeŭrasajuza, dzie, asabliva ŭ Polščy, užo adčuvajecca deficyt pracoŭnaj siły.
U toj ža čas Biełaruś pierastaje być pryvabnym miescam pracy dla ŭkraincaŭ. U lipieni 2018 hoda siaredni aficyjny zarobak va Ukrainie dasiahnuŭ 10 971 hryŭni — heta kala 440 dalaraŭ, abo 890 rubloŭ u pieraliku. Jon vyras na 18% u paraŭnańni sa studzieniem. Z ulikam taho, što «šery rynak» va Ukrainie bolšy, čym u Biełarusi, bolšyja i «zarobki ŭ kanviertach», što aznačaje, što siarednija zarobki ŭ našych krainach prykładna zraŭnialisia.
