U raku Klaźma ŭ rajonie padmaskoŭnaha horada Daŭhaprudny ŭpaŭ viertalot. Jak miarkujecca, viertalot začapiŭ linii elektrapieradačy. Na miesca vyjechali ratavalniki.
«U 19:05 była zajaŭka ad vidavočcy, jaki śćviardžaŭ, što ŭ rajonie Daŭhaprudny viertalot upaŭ u vadu», — paviedamili RBK ŭ pres-słužbie MNS Rasii.
RIA Novosti paviedamlaje, što heta pryvatny dvuchmiesny viertalot, i što palot viertalota nie byŭ sankcyjanavany. Udakładniajecca, kolki ludziej znachodzilisia na borcie pavietranaha sudna.
Na miescy zdareńnia znojdzieny abarvanyja pravady. Paśla padzieńnia viertalot zatanuŭ. Ratavalniki znajšli jaho na dnie vadaschovišča. Na miesca incydentu nakiravany vadałazy. Pra zahinułych abo paciarpiełych pakul nie paviedamlajecca.
Zaviedziena kryminalnaja sprava ab parušeńni praviłaŭ biaśpieki ruchu i ekspłuatacyi pavietranaha transpartu.
