U centry Maskvy pačałasia niesankcyjanavanaja akcyja ŭ padtrymku niezarehistravanych kandydataŭ u Mashardumu i aryštavanych u ramkach spravy ab «masavych biesparadkach», pieradaje RBK. Aktyvisty sabralisia la pomnika Hrybajedavu na Čystych Prudach, niekatoryja ź ich razharnuli płakaty, a taksama pačali skandavać łozunhi. Paźniej jany pačali šeście pa bulvarach.
Palicyja prosić adyści da tratuaraŭ i nijak nie pieraškadžaje prachodu ŭdzielnikaŭ šeścia.
Karespandent RBK źviarnuŭ uvahu na adsutnaść AMAPu, svabodny ŭdzieł u akcyi lidaraŭ apazicyi Lubovi Sobal i Kanstancina Jankaŭskasa, a taksama na adsutnaść zaklikaŭ z boku palicejskich razyścisia.
Akcyi pratestu ŭ Maskvie prachodzili ź siaredziny lipienia, kali akruhovyja vybarkamy admovilisia zarehistravać na vybary ŭ Mashardumu jurystaŭ Luboŭ Sobal i Ivana Ždanava, kiraŭnika savieta deputataŭ Krasnasielskaha rajona Ilju Jašyna, eks-deputataŭ Dziarždumy Hienadzia i Dźmitryja Hudkovych, byłoha staršyniu «Adkrytaj Rasii» Alaksandra Sałaŭjova, municypalnaha deputata Kanstancina Jankaŭskasa.
Akruhovyja vybarkamy i CVK tłumačyli admovu vialikaj dolaj niesapraŭdnych podpisaŭ, vyjaŭlenych ekśpiertami-hrafołohami, a taksama inšymi parušeńniami z boku kandydataŭ. Apazicyja śćviardžaje, što podpisy naležać realnym ludziam, a ich pravierka viałasia nieprazrysta.
Paśla akcyj pratestu była raspačata kryminalnaja sprava ab «masavych biesparadkach», u ramkach jakoha aryštavali 13 čałaviek. Akramia taho, z arhanizataraŭ mitynhaŭ praz sud zapatrabavali spahnać bolš za 13 młn rasijskich rububloŭ (bolš za $200 tys.).
