Džek Dorsi (Jack Dorsey). Fota: commons.wikimedia.org
Dostup da akaŭnta adnaho z zasnavalnikaŭ i hienieralnaha dyrektara Twitter Džeka Dorsi adnavili paśla chakierskaj ataki. Pra heta havorycca ŭ paviedamleńni kampanii, piša RBK.
«Ciapier akaŭnt ŭ biaśpiecy, niama nijakich prykmiet taho, što sistemy Twitter patrapili ŭ niebiaśpieku», — udakładniła kamanda pa kamunikacyjach.
Raniej stała viadoma pra ŭzłom akaŭnta Dorsi ŭ Twitter. Tak, ad imia zasnavalnika sacsietki było apublikavana bolš za 15 paviedamleńniaŭ ź niecenzurnaj leksikaj, rasisckimi vykazvańniami i pahrozami vybuchu.
Jak piša New York Times, u pastach Dorsi byli zajavy ab padrychtoŭcy terakta ŭ štab-kvatery Twitter u San-Francyska. Pa źviestkach The Verge, da ataki na staronku Dorsi moža być datyčnaja chakierskaja hrupa Chuckle Squad.
Sacsietka paviedamiła, što atrymać dostup da akaŭnta Dorsi złamyśniki zmahli praz prablemy ź biaśpiekaj z boku apieratara mabilnaj suviazi. Hetyja asoby zmahli adpravić tvity praz SMS.
Imavierna, chakiery atrymali dostup da akaŭnta Dorsi mietadam padmieny SIM-karty. Na karyść hetaj viersii vykazałasia krynica ŭ kampanii Twitter, paviedamlaje karespandent Bi-bi-si pa pytańniach technałohij u Paŭnočnaj Amierycy Dejv Li.
Padmiena vyhladaje tak: numar, pryviazany da Twitter-akaŭnta Dorsi, pieradajecca inšaj SIM-karcie. Dla hetaha ŭzłomščyki zvyčajna padkuplajuć abo ŭvodziać u zman supracoŭnikaŭ techpadtrymki mabilnaha apieratara.
U vyniku ataki jaje aŭtary atrymali mahčymaść pisać naŭprost u rachunak Dorsi praz adpraŭku tekstavych paviedamleńniaŭ, u toj čas jak bolšaść karystalnikaŭ Tvitar» karystajucca mabilnym dadatkam.
Kampanija zachavała hety padychod pry vychadzie na rynki krain ź nizkimi dachodami, dzie košt pierasyłki dannych adnosna vysokaja.
Prahramist i pradprymalnik Džek Dorsi źjaŭlajecca vykanaŭčym dyrektaram Twitter. Forbes aceńvaje jaho majomaść jak $4,1 miljarda.
