Fota BiełTA
Alaksandr Łukašenka prapanavaŭ daradcy prezidenta ZŠA pa nacyjanalnaj biaśpiecy Džonu Bołtanu adkryta i pa-siabroŭsku abmierkavać pytańni biełaruska-amierykanskich adnosin, pieradaje BIEŁTA.
Kiraŭnik dziaržavy padkreśliŭ, što ŭ bakoŭ užo jość peŭnaja historyja pierazahruzki dvuchbakovych adnosinaŭ.
«Ja prapanavaŭ by abmierkavać adkryta, navat pa-siabroŭsku ŭsie pytańni našych adnosin. Chaj jany buduć niepryjemnymi dla Biełarusi, ale vy pavinny ich paznačyć. Ja taksama adkryta i sumlenna paznaču tyja pytańni, jakija liču patrebnym abaznačyć pierad vami dla dalejšaha našaha supracoŭnictva, u tym liku jakija, moža być, nie vielmi pryjemnyja buduć dla ZŠA. Heta dazvolić stvaryć nam tuju bazu adnosin na budučyniu, jakaja pavinna być pamiž nami», — zajaviŭ Alaksandr Łukašenka.
«Niahledziačy na ŭsiu šumichu, jakaja adbyvajecca vakoł vašaj pajezdki, tut šmat stanoŭčaha, asabliva dla Biełarusi. Dadatnaje zaklučajecca ŭ tym, i nas nichto ŭ hetym nie papraknie (i vy, napeŭna, viedajecie pra heta), što my ŭvieś čas z momantu paharšeńnia našych stasunkaŭ z ZŠA prapanoŭvali zakryć hetuju niadobruju staronku i pačać z novaha lista našy adnosiny», — padkreśliŭ kiraŭnik dziaržavy.
Alaksandr Łukašenka adznačyŭ, što vizit Džona Bołtana ŭ Biełaruś źjaŭlajecca histaryčnym: «Takich prykmietnych vysokapastaŭlenych fihur (z ZŠA) u Biełarusi nie było daŭno. I ŭ hetym taksama histaryčnaść hetaha vizitu».
Akramia taho, da hetaha vizitu ŭ Biełarusi pabyvali mnohija ekśpierty i śpiecyjalisty z ZŠA. «Ja asabista ź imi sustrakaŭsia, vioŭ razmovy na roznyja temy našych uzajemaadnosin. I heta śviedčyć pra toje, što ŭ nas jość niekatoraja historyja pierazahruzki adnosinaŭ», — adznačyŭ biełaruski lidar.
