«Daradca pa nacyjanalnaj biaśpiecy Džon Robiert Bołtan naviedaje Minsk 29 žniŭnia. Ambasadar Bołtan sustreniecca z Prezidentam Łukašenkam i Ministram zamiežnych spraŭ Makiejem, kab abmierkavać pytańni rehijanalnaj biaśpieki i padkreślić padtrymku ZŠA suvierenitetu i niezaležnaści Biełarusi», — napisała ŭ svaim tvitary ambasada ZŠA ŭ Minsku.
U svaju čarhu, Džon Bołtan u svaim tvitary napisaŭ: «Vielmi praduktyŭnaja para dzion va Ukrainie. Zaŭtra ja skirujusia ŭ Małdovu i Biełaruś, dzie ja sustrenusia ź lidarami dźviuch hetych dziaržaŭ, kab abmierkavać pytańni rehijanalnaj biaśpieki. Vielmi spadziajusia na ŭmacavańnie našych dypłamatyčnych i haspadarčych suviaziaŭ».
Heta pieršy za 25 hadoŭ vizit u Biełaruś amierykanskaha čynoŭnika takoha vysokaha ŭzroŭniu.