Pjany pasažyr napaŭ na taksista na trasie Minsk — Dziaržynsk. Niećviarozy klijent pačaŭ skandalić, a potym niekalki razoŭ udaryŭ kiroŭcu pa hałavie ručkaj pnieŭmatyčnaha pistaleta, paviedamlaje milicyja.
Kiroŭca taksi, 19-hadovy minčuk, źviarnuŭsia ŭ milicyju. Małady čałaviek raspavioŭ, što, pryjechaŭšy nočču na vyklik u adzin z kłubaŭ, uziaŭ na bort padvypiŭšaha klijenta. Na trasie Minsk — Dziaržynsk pjany pasažyr pačaŭ kanfliktavać, skazaŭšy, što jamu nie padabajecca maršrut, dastaŭ pnieŭmatyčnuju zbroju i trojčy ŭdaryŭ kiroŭcu pa hałavie ručkaj pistaleta.
Mužčyna, što napadaŭ, paśpieŭ schavacca, adnak jaho ŭdałosia adšukać pa haračych śladach.
Fihurantam kryminalnaj spravy, zaviedzienaj pa č.3 art.339 (chulihanstva) KK, staŭ 33-hadovy biespracoŭny žychar vioski Pryłuki. Jamu ciapier pahražaje pazbaŭleńnie voli na termin da 10 hadoŭ.
