Fota Nadziei Bužan
Mietadałohija raźliku inflacyi ŭ Biełarusi adpaviadaje mižnarodnym standartam, a asabistaje ŭražańnie ŭ ludziej pra rost cenaŭ vyznačana tym, što časam asobnyja hrupy tavaraŭ pa abjektyŭnych pryčynach daražejuć chutčej.
Prablemu ŭsprymańnia inflacyi patłumačyła žurnalistam kiraŭnik Biełstata Ina Miadźviedzieva, pieradaje BiełTA.
«Na šerah tavaraŭ paŭsiadzionnaha popytu košty rastuć chutčej, čym taja inflacyja, jakuju my raźličvajem. Heta datyčycca i pasłuh ŽKH, da niadaŭniaha času — paliva. Tamu nasielnictva ŭsprymaje inflacyju pa-inšamu.
Naprykład, usie zaŭvažajuć, što rastuć ceny na muku i chleb, i razumiejuć pryčynu — nieŭradžaj minułaha hoda. Heta rost abjektyŭny», — adznačyła Ina Miadźviedzieva.
Pavodle jaje słoŭ, heta zusim nie značyć, što nieabchodna mianiać mietadałohiju statystyčnych raźlikaŭ. Tym bolš što ŭ 2014 hodzie Biełstat śpiecyjalna zapytaŭ u Mižnarodnaha valutnaha fondu (jaki źjaŭlajecca raspracoŭščykam kiraŭnictva pa vymiareńni indeksa spažyvieckich cen) techničnaha ekśpierta dla acenki adpaviednaści mietadałohii Biełarusi mižnarodnym standartam — nie tolki ŭ častcy inflacyi, ale i ŭsich indeksaŭ, jakija publikuje Biełstat.
«Jon zrabiŭ zaklučeńnie, što mietadałohija, jakuju vykarystoŭvaje Biełstat, całkam adpaviadaje mižnarodnym standartam», — dadała Ina Miadźviedzieva. Heta paćvierdziła i niadaŭniaja misija mižnarodnych ekśpiertaŭ.
