22 žniŭnia a 16.00 u Viciebskim centry sučasnaha mastactva pa adrasie vuł. hien. Biełabarodava, 5 u miežach prajekta «Pierasoŭnaja historyja» adbudziecca simvaličnaje adkryćcio vystavy «Biełaruś na staražytnych hieahrafičnych mapach». Paśla vitalnych słoŭ arhanizataraŭ i haspadaroŭ haściej čakaje impreza pa temie «Mapy staražytnaj Biełarusi-VKŁ: źmiena pierśpiektyvy» z vystupami i finalnaj dyskusijaj publiki i ekśpiertaŭ.
U adkryćci biaruć udzieł: układalnik i aŭtar idei — dyrektar vydaviectva «Ekanompres» Eduard Kufcieryn, historyk, śpiecyjalist u historyi VKŁ, navukovy supracoŭnik Instytuta historyi NAN RB — Aleh Dziarnovič, doktarka sakralnaj teałohii, relihijaznaŭca i kulturołah — Iryna Dubianieckaja i inšyja.
Hości vystavy zmohuć pačuć na kankretnych prykładach, jakija cikavyja źviestki možna atrymać, čytajučy staražytnyja karty vačyma śpiecyjalistaŭ u histaryčnaj viedzie, bibleistycy, kulturałohii, vizualnaj antrapałohii. Ci majuć staražytnyja karty histaryčnuju dakładnaść? Jak čytajucca simvały, zašyfravanyja ŭ vyjavach na mapach, jak jany śviedčać pra naša minułaje i sučasnaść? Jakija histaryčnyja, mastackija, śvietapohladnyja adkryćci možna zrabić, pierahladajučy staražytnyja mapy? Jak źmianiaŭsia vobraz našaj krainy i jak toje ŭpłyvaje na našaje samarazumieńnie? I šmat što inšaje. Paśla vystupaŭ śpiecyjalistaŭ naviedvalnikaŭ čakaje ahulnaje abmierkavańnie z mahčymaściu zadać pytańni vystupoŭcam (viadučy — fiłosaf Pavieł Barkoŭski).
Hieahrafičnyja mapy razdrukavany z aryhinalnych kopij z dapamohaj ličbavaha druku i z zachavańniem usich maštabaŭ na papiery, jakaja imituje fakturu staradaŭnich map. Usie mapy majuć navukovuju atrybucyju i ekspanujucca razam. Układalnik — Eduard Kufcieryn, navukovy kansultant — kandydat histaryčnych navuk, staršy navukovy supracoŭnik Instytuta historyi NAN RB Aleh Dziarnovič.
Vystava «Biełaruś na staražytnych hieahrafičnych mapach» upieršyniu vystaŭlałasia 5—16 krasavika 2019 h. u NCSM u h. Minsku ŭ miežach fiestyvalu intelektualnaj knihi «Pradmova».
