Fota Nadziei Bužan
Minsk uvajšoŭ u suśvietny rejtynh lepšych haradoŭ dla studentaŭ pa viersii kampanii QS Quacquarelli Symonds.
Pry składańni rejtynhu haradoŭ ŭličvalisia rejtynhi univiersitetaŭ, jakija znachodziacca ŭ horadzie, internacyjanalnaj raznastajnaści studentaŭ, rejtynhu samoha horada, aktyŭnaści pracadaŭcaŭ, dastupnaści navučańnia i mierkavańni vypusknikoŭ. Minsk akazaŭsia na apošnim, 120-m miescy, ale ŭsio ž taki ŭvajšoŭ u lik lepšych studenckich haradoŭ śvietu.
U pieršaj dziesiatcy Łondan, Tokia, Mielburn, Miunchien, Bierlin, Manreal, Paryž, Ciurych, Sidniej, Sieuł.
Voś jak raźmiaścilisia ŭ śpisie univiersiteckija centry susiednich ź Biełaruśsiu dziaržaŭ: Maskva — 34, Praha — 35, Varšava — 51, Brno — 60, Sankt-Pieciarburh — 66, Tomsk — 73, Novasibirsk — 92, Vilnia — 95, Krakaŭ — 104, Ryha — 110, Kijeŭ — 118.
U rejtynh «Best student cities» ŭklučanaja nastupnaja charaktarystyka Minska, jakaja tłumačyć jaho ŭklučeńnie ŭ rejtynh:
«Choć Minsk, mahčyma, nie pieršy horad, jaki prychodzić na pamiać, kali vy dumajecie ab navučańni za miažoj, adnak jak stalica Biełarusi jon moža prapanavać šmat čaho. Hety malaŭničy horad, raźmieščany na rekach Śvisłač i Niamiha, źjaŭlajecca finansavym, handlovym i transpartnym vuzłom Respubliki Biełaruś. Majučy heta na ŭvazie, lohka zrazumieć, čamu horad dasiahaje samaha vysokaha rejtynhu pa pakazčyku aktyŭnaści pracadaŭcaŭ, zajmajučy 84-je miesca ŭ śviecie ŭ cełym, što śviedčyć ab tym, što vypuskniki VNU Minska karystajucca vialikim popytam u pracadaŭcaŭ.
U Minsku znachodziacca dva univiersitety, jakija ŭvajšli ŭ QS World University Rankings (rejtynh lepšych univiersitetaŭ płaniety) — BDU i BNTU».
