Pra ŭnikalny vypadak paviedamiła pres-słužba Minzdaroŭja.
Dziaŭčynka naradziłasia na 28-y tydzień ciažarnaści z masaj 790 hramaŭ. Jana pastupiła ŭ adździaleńnie aniestezijałohii i reanimacyi RNPC «Maci i dzicia». Małoje źjaviłasia na śviet šlacham kiesarava siačeńnia ŭ žančyny z pryrodžanaj trombafilijaj.
Užo ź pieršych chvilin dziciaci akazvali śpiecyjalizavanuju miedycynskuju dapamohu. Sučasnyja pierynatalnyja technałohii akazańnia śpiecyjalizavanaj miedycynskaj dapamohi dajuć takim dzieciam čakany vynik. Dziakujučy vysokaprafiesijnym dziejańniam daktaroŭ i miedycynskich siaścior RNPC udałosia stabilizavać stan małoj, navučyć jaje nanova dychać i abychodzicca biez štučnaj sistemy žyćciezabieśpiačeńnia.
Dalejšaje lačeńnie było praciahnuta ŭ płanavym adździaleńni dla niedanošanych dziaciej, kudy dzicia pastupiła va ŭzroście 44 dzion z masaj 1400 hram.
Tut dziaŭčynka znachodziłasia razam z mamaj i tatam, jaje lačyli z dapamohaj mietadu Kienhuru (h.zv. lačeńnie skura da skury). Pryčym z naradžeńnia dzicia znachodziłasia na hrudnym vykormlivańni.
U vyniku jana była vypisana dadomu va ŭzroście dva miesiacy z masaj 1950 hram.
