Zdareńnie adbyłosia ŭ 00:30. 18-hadovy bieraściejec, raźbiŭšy siakieraj šklanyja dźviery kramy, uvajšoŭ u pamiaškańnie, dzie pa darozie staŭ hramić vitryny handlovych paviljonaŭ, paviedamlaje ŭ svaim telehram-kanale pres-słužba milicyi.
Spracavała achoŭnaja sihnalizacyja. Da miesca zdareńnia vyjechała hrupa zatrymańnia adździeła Departamienta achovy.
Na nieadnarazovyja patrabavańni milicyi kinuć siakieru i dobraachvotna zdacca małady čałaviek nie reahavaŭ i praciahvaŭ ruchacca na pravaachoŭnikaŭ.
Supracoŭniki milicyi zrabili niekalki papieradžalnych strełaŭ u pavietra, paśla čaho chłopiec spałochaŭsia i spyniŭsia. Pravaachoŭniki zatrymali chulihana.
Zaviedziena kryminalnaja sprava, chłopcu pahražaje da troch hadoŭ za chulihanstva.
