Ź Liceja BDU sychodzić dyrektar Makar Šnip. Pra heta jon napisaŭ na svajoj staroncy ŭ Facebook.
Makara Šnipa vysoka canili jak navučency, tak i piedahohi. Pry im Licej BDU trymaŭ najvyšejšy ŭzrovień adukacyi, jaho vypuskniki zdabyvali šmatlikija ŭznaharody nacyjanalnych i mižnarodnych alimpijad.
Pry hetym jaho vyłučaŭ niefarmalny, na roŭnych, styl kamunikacyi z navučencami. Naprykład, na vychadnych jon niaredka hulaŭ ź liceistami ŭ baskietboł. Niekalki byłych i ciapierašnich navučencaŭ raskazali «Našaj Nivie», što dyrektar karystaŭsia vialikim aŭtarytetam.
Šnip pakul nie raskryvaje, kudy jon pierachodzić pracavać i z čym źviazany sychod.
Voś jakimi fotami jon supravadziŭ paviedamleńnie ŭ fejsbuku pra svoj sychod:
* * *
Makar Šnip naradziŭsia ŭ 1981 h. U 1998 h. skončyŭ Licej Biełaruskaha dziaržaŭnaha ŭniviersiteta i pastupiŭ na histaryčny fakultet BDU, jaki skončyŭ u 2003 h., atrymaŭšy dypłom z adznakaj. Z 2003 pa 2007 h. navučaŭsia ŭ aśpirantury BDU. U 2010 h. abaraniŭ kandydackuju dysiertacyju na temu «Unutrypalityčny kanflikt 1508 h.u Vialikim kniastvie Litoŭskim ŭ kantekście mižnarodnych adnosin va Uschodniaj Jeŭropie» (navukovy kiraŭnik — P.A. Łojka). U 2003—2005 hh. i 2007—2008 hh. pracavaŭ u jakaści sumiaščalnika vykładčykam kafiedry historyi Biełarusi staražytnaha času i siarednich viakoŭ histaryčnaha fakulteta BDU. Z 2007 h. — na pasadzie namieśnika dyrektara Liceja BDU pa vychavaŭčaj rabocie. U 2014 h. pryznačany dyrektaram liceja.
