Pryncypovyja roznahałośsi, jakija byli ŭ Rasii i Biełarusi pa pytańniach supracoŭnictva ŭ ramkach Sajuznaj dziaržavy, źniatyja, a damoŭlenaści dasiahnutyja. Pra heta pa vynikach sustrečy kiraŭnikoŭ uradaŭ dźviuch krain zajaviŭ ministr ekanamičnaha raźvićcia Rasii Maksim Areškin, pieradaje TASS.
«Ciapier usie pryncypovyja roznahałośsi praktyčna źniatyja. Usie damoŭlenaści dasiahnuty, zaraz maje być vielmi vialikaja praca», — adkazaŭ kiraŭnik viedamstva.
Pavodle jaho słoŭ, ciapier usie pieramovy buduć vieścisia na ŭzroŭni rabočaj hrupy, praź niekatory čas premjer-ministry Rasii i Biełarusi pavinny buduć sustrecca i finalizavać usie damoŭlenaści, jakija prezidenty krain dasiahnuli na sustrečy, jakaja prajšła ŭ Sankt-Pieciarburhu ŭ lipieni. Heta adbudziecca, udakładniŭ Areškin, na praciahu miesiaca.
«Heta taki krajni termin, kab paśpieć pravieści pracu da śniežnia», — skazaŭ na zakančeńnie rasijski ministr.
