Kamanda sacsietki patłumačyła, što z časam łajki pieratvarylisia ŭ mierku jakaści kantentu, piša tjournal.ru.
Karystalnik «Ukantakcie» Michaił Plaskin źviarnuŭ uvahu, što ŭ niekatorych pastach nie adlustroŭvajecca kolkaść pastaŭlenych łajkaŭ. U techpadtrymcy sacsietki Michaiłu adkazali, što jon trapiŭ u testavuju hrupu nievialikaha ekśpierymientu.
Va «Ukantakcie» TJ rastłumačyli, što testujuć adsutnaść łajkaŭ dla nievialikaj aŭdytoryi, kab pravieryć, jak źmianiajecca staŭleńnie karystalnika da źmiestu pasta.
«Staŭleńnie da łajka za hady źmianiłasia. Raniej jany byli pra kamunikacyju pamiž aŭtaram i čytačom, ale ź ciaham času ich stali ŭsprymać jak mierku jakaści kantentu. U ramkach ekśpierymientu my chočam pravieryć, jak źmieny paŭpłyvajuć na ŭciahnutaść karystalnikaŭ.
Pakul u testavańni ŭdzielničaje nievialikaja aŭdytoryja», - paviedamili ŭ techpadtrymcy.
U krasaviku ŚMI paviedamlali ab testavańni padobnaj funkcyi ŭ Instagram.
