Fota ź Vikipiedyi.
Na płoščy Pieramohi ŭ Minsku pačałasia rekanstrukcyja, tam užo demantujuć lichtarnyja słupy. Abnoŭlenuju płošču Pieramohi płanujuć prezientavać da 9 traŭnia 2020 hoda — da 75-hodździa pieramohi ŭ Vialikaj Ajčynnaj vajnie, piša Jeŭraradyjo.
Užo abjaŭleny tendar na zakupku dla restaŭracyi hranitnych plit na 1,4 miljona rubloŭ. Usiaho patrebna 170 kvadratnych mietraŭ hranitu taŭščynioj 35-40 santymietraŭ.
U pačatku lipienia ŭ «Harramaŭtadary Minharvykankama» raskazali, što ŭ Minsku zakryvajuć na rekanstrukcyju adnu z hałoŭnych płoščaŭ Minska. Płanujecca ŭstalavać padahreŭ hranitnaj placoŭki manumienta. Taksama budzie zamienieny styłabat manumienta i rekanstrujujuć sam abielisk. Abiacajuć, što paśla rekanstrukcyi źniešni vyhlad płoščy nie źmienicca.
