Dziaŭčynka razam z mamaj znachodziłasia ŭ haściach u ahraharadku Radastava.
Haspadynia doma ŭ hety čas zajmałasia kansiervacyjaj ahurkoŭ, kipiaciła vadu. Kali čarhovaja porcyja vady zakipieła, žančyna ŭziała napoŭnieny elektračajnik i chacieła adyści ź im u bok. Adnak padstaŭka ad jaho nie adłučyłasia — naciahnuŭsia drot, i vada praliłasia na dziaŭčynku. Z apiokami tvaru i tułava jaje špitalizavali.
Dla ŭstanaŭleńnia stupieni ciažkaści apiokaŭ pryznačana sudova-miedycynskaja ekśpiertyza, jakuju praviaduć supracoŭniki Kobrynskaha mižrajonnaha adździeła HKSE.
Na žal, atrymańnie termičnych apiokaŭ haračaj vadkaściu ŭ chatnich umovach nie redkaść siarod maleńkich dziaciej. Čaściej za ŭsio heta apioki kaniečnaściaŭ, tvaru i piaredniaj častki tułava 1-j, 2-j, časam 3-j stupieni.