Biełarusbank z 1 žniŭnia źmianiaje pamier kamisij pa apieracyjach z kartami.
Pry źniaćci hatoŭki ŭ bankamatach inšych bankaŭ (biez uliku ich ŭznaharodžańnia) pryjdziecca płacić 2,5% ad sumy (raniej 2%).
Bieznajaŭny płaciež pa rekvizitach, nazvanych trymalnikam kartki ŭ sistemach dystancyjnaha bankaŭskaha absłuhoŭvańnia (u infakijoskach banka, internet-bankinhu i inšych), zapatrabuje 0,75 biełaruskaha rubla za kožny płaciež (raniej — 0,5 rubla).
Prahladzieć bałans (dastupny astatak) pa kartcy ŭ pryładach inšych bankaŭ-rezidentaŭ budzie kaštavać 1 biełaruski rubiel, albo 0,5 dalara ci jeŭra, albo 35 rasijskich rubloŭ (raniej — 0,5 rubla, 0,3 dalara/ieŭra, 20 rasijskich rubloŭ adpaviedna); u pryładach bankaŭ-nierezidentaŭ — adpaviedna 1,5 biełaruskaha rubla, 0,8 dalara ci jeŭra, 45 rasijskich rubloŭ (raniej — 1 biełaruski rubiel, 0,5 dalara/ieŭra, 35 rasijskich rubloŭ adpaviedna).
Akramia taho, źmienieny pamiery ŭznaharod za absłuhoŭvańnie kartak, pieravypusk u vypadku straty, vyrab dublikataŭ, błakavańnie mižnarodnych kartak.
