U internecie źjaviłasia videa, na jakim prezident Ukrainy Uładzimir Zialenski hruba adšturchnuŭ ministra abarony Ukrainy Ściapana Pałtaraka.
Incydent adbyŭsia padčas taho, jak Uładzimir Zialenski razam ź ministram abarony Ściapanam Pałtarakam i hałoŭnakamandujučym uzbrojenymi siłami Ukrainy Rusłanam Chamčakom naviedali prezientacyju novych modulaŭ, jakija pryznačany dla raźmiaščeńnia bajcoŭ ukrainskaj armii na pieradavoj.
Adnak užo padčas razmovy z namieśnikam kiraŭnika svajoj administracyi, kali apieratar apuściŭ kamieru i adyšoŭ, prezident raptam adšturchnuŭ ministra abarony ŭbok.
Ukrainski žurnalist Juryj Butusaŭ na svajoj staroncy Facebook napisaŭ: «Pałtarak skazaŭ, što nijakaha incydentu nie było. Ź jaho słoŭ było tak. Paśla pryvitańnia ministra i načalnika hienštaba Chamčaka, prezident padyšoŭ da namieśnikaŭ kiraŭnika administracyi Rabašapki i Cimašenki. Mabyć, prezident chacieŭ niešta im skazać sam-nasam pa inšaj temie. Tamu jon paviarnuŭsia ŭ bok ministra i skazaŭ: «Chvilinku!» Skazana heta było, pa słovach ministra, karektna, biez pahroz. Paśla niekalkich słoŭ sustreča pajšła pavodle płana».
