Sacapytańnie Centra Razumkova pakazała, što za try dni da vybaraŭ u Viarchoŭnuju Radu Ukrainy prachodziać piać partyj.
Lidaram źjaŭlajecca prezidenckaja partyja Słuha naroda (35,4% usich respandentaŭ i 44,4% siarod tych, chto maje namier udzielničać u vybarach i ŭžo vyznačyŭsia, za kaho hałasavać).
Za prarasijskuju partyju Viktara Miedźviadčuka, Vadzima Rabinoviča i Juryja Bojki Apazicyjnaja płatforma — Za žyćcio majuć namier prahałasavać adpaviedna 10,7% i 13,3%;
Za partyju Julii Cimašenka Baćkaŭščyna — adpaviedna 6,7% i 8,5%,
Za partyju Jeŭrapiejskaja Salidarnaść eks-prezidenta Piatra Parašenki — adpaviedna 5,8% i 7,5%;
Pa partyju Hołas śpievaka Śviatasłava Vakarčuka — adpaviedna 5,4% i 6,8%,
Za partyju Siła i honar — adpaviedna 3,6% i 4,5%,
Za Radykalnuju partyju Aleha Laško — adpaviedna 3,1% i 3,3%.
Inšyja partyi majuć namier padtrymać mienš za 3% vybarščykaŭ. 11,0% nie vyznačylisia, za kaho buduć hałasavać.
Daterminovyja vybary va ŭkrainski parłamient adbuducca ŭ niadzielu, 21 lipienia. Pałova deputataŭ budzie vybrana pa partyjnych śpisach, pałova — pa mažarytarnych.