Prezident Ukrainy Uładzimir Zialenski zahadaŭ raspracavać stratehičny płan, kab pretendavać na praviadzieńnia Alimpijskich hulniaŭ.
«Nam patrebny peŭny płan, što my, skažam, hatovyja za 3-4 hady ŭsio pabudavać, i tady možam być u čarzie i pryniać Alimpijadu», — cytuje słovy Zialenskaha jaho pres-słužba. «My pavinny być ambitnymi».
Prezident Ukrainy prapanavaŭ dać zadańnie «našym chłopcam», kab jany znajšli inviestycyi dla pabudovy patrebnych dla Alimpijady spartovych abjektaŭ. Ukłaścisia musić i dziaržaŭny biudžet.
«Treba chacia b namahacca hetaha dasiahnuć», — skazaŭ Zialenski.
Najbližejšyja Alimpijskija hulni, na praviadzieńnie jakich moža padavać zajaŭku Ukraina — heta zimovaja Alimpijada 2030 h. ci letniaja 2032 h.
0
0
0
0
0
0
