Avaryja adbyłasia ŭ niadzielu, 14 lipienia, u hadzinu nočy na aŭtadarozie N-8540 pamiž vioskami Žuki Kapylskaha rajona i Hresk Słuckaha rajona.
Kiroŭca Rover — 30-hadovy žychar Salihorska — jechaŭ ź siamjoj u bok Hreska. Na darozie spaŭ piešachod.
Žychar Salihorska najechaŭ na lažačaha na prajeznaj častcy piešachoda — 21-hadovaha žychara Minska. Sa šmatlikimi cialesnymi paškodžańniami (razryŭ niekatorych častak cieła ab dno aŭtamabila), u vielmi ciažkim stanie i z prykmietami ałkaholnaha apjanieńnia jaho špitalizavali ŭ reanimacyjnaje adździaleńnie Słuckaj balnicy.
Kiroŭca sam vyklikaŭ supracoŭnikaŭ DAI i bryhadu chutkaj dapamohi. Jašče da ich pryjezdu razam z žonkaj sprabavaŭ akazać chłopcu pieršuju dapamohu. Sam ža vadziciel i jaho pasažyry nie paciarpieli.
U momant DTZ na hetym učastku darohi išoŭ livień. I miarkujučy pa suchim asfalcie ŭ miescy, dzie spaŭ piešachod, jon tam znachodziŭsia ŭžo praciahły čas. Usia vopratka chłopca była čornaja, śviatłoadbivalnych elemientaŭ na joj nie było. Heta značyć piešachod nie pakinuŭ kiroŭcu nivodnaha šanca być zaŭvažanym.
Akramia hetaha, avaryja adbyłasia za 800 mietraŭ ad Hreska. Damoŭ pobač niama, daroha nie aśvietlena.
Zaviali kryminalnuju spravu. Pravodzicca pravierka.
