Namieśnik ministra sielskaj haspadarki Ihar Bryło vykłaŭ u instahramie zdymak, na jakim jon paziruje ŭ majcy Russia na barysaŭskim pradpryjemstvie «Zdravuška». ŚMI źviarnuli ŭvahu na hety vypadak, paśla čaho čynoŭnik zakryŭ svoj akaŭnt.
«NN» u paniadziełak źviarnułasia da pres-sakratarki Ministerstva sielskaj haspadarki Zinaidy Bieraščenka z prośbaj prakamientavać situacyju. U pieršaj razmovie spadarynia Zinaida paabiacała pahavaryć ź Iharam Bryło, a padčas druhoha telefanavańnia jaje nastroi istotna źmianilisia.
Pres-sakratarka… abmaciukała žurnalista i zajaviła, što zakryvaje temu.
Zinaida Bieraščenka, fota: Facebook.
Pryvodzim dasłoŭnuju razmovu z čałaviekam, jaki adkazvaje ŭ viedamstvie za suviazi sa ŚMI.
«Naša Niva»: Zinaida Jaŭhienaŭna, dobry dzień jašče raz, Dźmitryj Pankaviec z «Našaj Nivy». Skažycie, nie atrymałasia ŭ Ihara Viačasłavavič spytać?
Zinaida Bieraščenka: Pasłuchajcie, heta nie taja tema, jakuju vy sprabujecie palityzavać. Pierastańcie vy zajmacca hetaj ch***ioj, dzie joj nie treba zajmacca.
«NN»: E…
ZB: Ja vam kažu: źjeździcie vy lepš u kałhas, tak, zrabicie vy dobry materyjał pra pasiaŭnuju, pra tych mužykoŭ, jakija prychodziać dadomu tolki papić čaj ci jašče što. Chopić palityzavać. Skažycie, jakuju ideałohiju vy zakładajecie? Pamianiać nastroi ludziej?
«NN»: Jakija nastroi?
ZB: Na***uj vam toj kamientar?
«NN»: Stop, bo heta biełaruski čynoŭnik, jakija chodzić u majcy inšaj dziaržavy.
ZB: Vam jakaja sprava, u čym jon chodzić?
«NN»: My pradstaŭniki biełaruskaha hramadstva, biełaruskaje vydańnie.
ZB: Jakoje hramadstva vy pradstaŭlajecie? Jakoje? Nazavicie jaho.
«NN»: Biełaruskaje.
ZB: Jakoje? «Našu Nivu»? Čamu vy havorycie za ŭsio biełaruskaje hramadstva?
«NN»: Nie za ŭsio, a za jaho častku.
ZB: Jakuju častku?
«NN»: Tych čytačoŭ, jakija nas čytajuć. My treciaje pa papularnaści vydańnie ŭ krainie.
ZB: Paśla kaho?
«NN»: Tut.by i «Anłajniera».
ZB: Dobra, chto vam daŭ paŭnamoctvy?
«NN»: Hałoŭny redaktar Marcinovič Jahor Alaksandravič. Dobra, kamientara nie budzie, jak ja razumieju?
ZB: Niama jaho, jon na naradzie ŭ Saviecie ministraŭ. Pasłuchajcie, spyniajcie palityzavać tam, dzie heta nie treba rabić. Spyniajciesia ŭkładvać u hałovy hramadstva toje, što nie treba ŭkładvać. Vy ŭvohule niekarektna siabie pavodzicie. Vy što, chočacie pamianiać nastroi ludziej?
«NN»: Jakija nastroi?
ZB: Voś vaša prystavańnie da hetaj majki.
«NN»: Ludziej heta aburaje, pačytajcie kamientary.
ZB: Što vy hetym chočacie skazać?
«NN»: Dziaržčynoŭniku niedapuščalna nasić majki inšych dziaržavaŭ.
ZB: Ihar Viačasłavavič — čałaviek, jaki byvaje ŭ Polščy, jamu tam padaryli majku, što jamu ź joj rabić? Spalić? Łaźniu padtapić? Jon byŭ na Alimpijadzie, jamu tam padaryli niejki kaścium, i što, kali jon jaho apranie, jamu što, nielha jaho nasić? Jamu ciapier nasić trusy, jakija vy chočacie, majku, blin, moža, jašče i preziervatyŭ, jaki vy chočacie?
«NN»: Nie, tolki ź biełaruskaj [majecca na ŭvazie ź biełaruskaj simvolikaj].
ZB: Pasłuchajcie, heta ŭvohule pryvatny zdymak. Čamu vy pryvatnaje pieratvarajecie ŭ palityku?
«NN»: Što značyć pryvatnaje? Heta instahram čynoŭnika.
ZB: Nu kali jon tam byŭ u vychadny dzień.
«NN»: Stop, vy sami kazali, što 1 lipienia — heta paniadziełak.
ZB: Usio, paka. Temu hetuju my zakryli. Vy jaje adkryli, a my zakryjem. Začyniajem dźviery, na hetym usio.
Ministerstva sielskaj haspadarki. Fota ź Vikipiedyi.
