Minabarony i Minadukacyi ŭdaskanalvajuć dapryzyŭnuju padrychtoŭku ŭ škołach. Pra heta paviedamiŭ siońnia žurnalistam ministr abarony Andrej Raŭkoŭ, piša BIEŁTA.
Ministerstva majuć namier palapšać dapryzyŭnuju padrychtoŭku ŭ škołach. «My robim dla hetaha praktyčnyja kroki», - skazaŭ Andrej Raŭkoŭ.
U pryvatnaści, płanujecca padniać status vajennych kiraŭnikoŭ, jakija viaduć u škołach zaniatki pa dapryzyŭnaj padrychtoŭcy. Andrej Raŭkoŭ adznačyŭ, spasłaŭšysia u tym liku na mierkavańnie maładych ludziej z zapasu, što dapryzyŭnuju padrychtoŭku pavinien vykładać čałaviek, jaki sam słužyŭ u armii.
Pa słovach ministra adukacyi Ihara Karpienki, płanujecca daasnaścić centry dapryzyŭnaj padrychtoŭki. «Ministerstva abarony vielmi aktyŭna ŭ hetym kirunku pracuje i pa našych zajaŭkach pastaŭlaje abstalavańnie», - skazaŭ jon.
Akramia taho, skarekciravana narmatyŭnaja baza, źviazanaja ź dziejnaściu vajenna-patryjatyčnych kłasaŭ. Raspracavany fakultatyŭ dla 8-9-ch kłasaŭ pa ŭviadzieńni ŭ dapryzyŭnuju padrychtoŭku.
Siońnia Andrej Raŭkoŭ i Ihar Karpienka pabyvali ŭ spartyŭna-patryjatyčnym łahiery, adkrytym na bazie 5-j asobnaj bryhady śpiecyjalnaha pryznačeńnia ŭ Marjinaj Horcy.