Fota USK
Troch maładzionaŭ vinavaciać u žorstkim zabojstvie 26-hadovaha žychara Połacka. Usie abvinavačanyja zatrymanyja, paviedamiła BiełTA aficyjny pradstaŭnik USK pa Viciebskaj vobłaści Aksana Łaźko.
«Zhodna z zaklučeńniem ekśpiertyz, śmierć nastupiła ad miechaničnaj aśfiksii ŭ vyniku zakryćcia dychalnych šlachoŭ hruntam i ad adkrytaj čerapna-mazhavoj traŭmy. Heta śviedčyć ab tym, što mužčyna byŭ pachavany žyŭcom», — raspaviała Aksana Łaźko.
U złačynstvie abvinavačvajucca try čałavieki. Dvoje ź ich byli zatrymanyja supracoŭnikami milicyi pa haračych śladach u Połacku. Treci paśpieŭ źbiehčy ŭ Rasiju. Jaho zatrymali ŭ horadzie Istra Maskoŭskaj vobłaści.
Pryčym adnamu z abvinavačanych 17 hadoŭ, druhomu — 16, a tamu, što źbieh u Rasiju, 20 hadoŭ.
Pra zdareńnie stała viadoma 22 krasavika. U milicyju pastupiła infarmacyja, što ŭ dvary pryvatnaha doma vyjaŭlena pachavańnie. Vyśvietliłasia, što pad ziamloj znachodzicca cieła 26-hadovaha miascovaha žychara z prykmietami kryminalnaj śmierci.
U jaho ŭ haściach byli troje chłopcaŭ, jany razam vypivali. Padčas uźnikłaj svarki sabutelniki nanieśli haspadaru traŭmy. Kab schavać złačynstva, jany i zakapali jaho cieła ŭ dvary.