Ministerstva antymanapolnaha rehulavańnia i handlu (MARH) zapytała ŭ Ministerstva achovy zdaroŭja, Minžyłkamunhasa, Dziaržstandarta, Minpryrody i biznesu infarmacyju adnosna vyklučeńnia vykarystańnia ŭ abjektach hramadskaha charčavańnia adnarazovaha płastykavaha posudu, piša Tut.by.
MARH prosić dziaržorhany i biznes-sajuzy da 25 lipienia 2019 hoda akreślić svaju pazicyju pa hetym pytańni, havorycca ŭ liście antymanapolnaha viedamstva.
Viedamstva prosić paznačyć prablematyku pry ŭtylizacyi płastykavaha adnarazovaha posudu i jaho abjomu. MARH taksama padličyć kolkaść abjektaŭ hramadskaha charčavańnia, jakija vykarystoŭvajuć płastyk, i vyvučyć abstaviny, jakija pieraškadžajuć vykarystańniu ŭ abjektach hramadskaha charčavańnia stałovaha posudu.
U Biełarusi u 2019 hodzie pryniata dyrektyva № 7, u jakoj havorycca ab paetapnym źnižeńni kolkaści polietylenavaj upakoŭki i zamiaščeńni jaje ŭpakoŭkaj biaśpiečnaj, u tym liku sa škła i papiery.
Jeŭraparłamient u kancy sakavika ŭvioŭ na terytoryi ES zabaronu na adnarazovyja płastykavyja talerki, kantejniery, šklanki, posud dla fastfudu, videlcy, nažy, łyžki. Tabu nakładziena taksama na vytvorčaść kaktejlnych sałominak i vatnych pałačak. Zakon ustupić u siłu ŭ 2021 hodzie.
