U pačatku svajho apošniaha słova Štejn paprasiŭ prabačeńnia ŭ suda, dziaržabvinavaŭcy i advakataŭ: «Kali padčas sudovaha słuchańnia pakryŭdziŭ kahości nieaściarožnym słovam, frazaj … Svaju vinu pryznaju całkam i raskajvajusia. Ale vykazvaju niazhodu ŭ suviazi z kanfiskacyjaj majomaści, jakaja nabyvałasia siamjoj sumiesna, paśladoŭna, zakonna. Tym bolš, što ja nie zdabyvaŭ materyjalnaj vyhady z svaich učynkaŭ i nie nanios finansavy ŭron dziaržavie (…) Znachodziačysia ŭ miescach źniavoleńnia, my naŭrad ci staniem lepš, zatoje, znachodziačysia na voli, my zmožam prynieści značna bolš karyści dla našaj krainy i hramadstva, kali nam budzie dadzieny šaniec vypravicca» — skazaŭ abvinavačany.
Nahadajem, Leanid Štejn ŭžo 10 miesiacaŭ znachodzicca za kratami.
7 vieraśnia ŭ ahraharadku Krasnaje pad Homielem milicyja spyniła jaho aŭtamabil. Apieratyŭniki zazirnuli ŭ aŭto — i ŭbačyli ŭ im aŭtamat Kałašnikava, pistalety Makarava i TT, hranaty i vybuchovyja pakiety. Pry pieratrusie pa miescy žycharstva zatrymanaha ŭ pasiołku Haradzieja Niaśvižskaha rajona pravaachoŭniki znajšli jašče bolš šakujučy arsienał: kulamiot, piać aŭtamataŭ, pa 10 vintovak i pistaletaŭ, 28 hranat, 265 vybuchovych pryład, 2 kh vybuchovych rečyvaŭ i kala 10 tysiač patronaŭ roznaha kalibru.
Na pytańni «adkul usio heta?» I «navošta?» Štejn raspaviadaŭ spačatku śledčym, a zatym u sudzie, što źjaŭlajecca palaŭničym i rybałovam, a taksama kalekcyjanuje zbroju, choć i viedaje ab niezakonnaści takoha zachapleńnia. Pieršy pistalet u jaho kalekcyi źjaviŭsia ŭ 90-ch, dastaŭsia ŭ spadčynu ad dziaduli. Nu, a dalej usio pierarasło ŭ zapał.
«Mieŭ stolki zbroi, bo ci mała što zdarycca, u darozie, naprykład. Rezka, jak va Ukrainie. A ty nie hatovy», — raniej tłumačyŭ sudu svajo zachapleńnie Štejn.
Nieŭzabavie apieratyŭniki zatrymali i tych, chto pradavaŭ Štejnu zbroju — žychara Łuninieckaha rajona Vasila Hryckieviča i žychara Stoŭbcaŭ Mikałaja Dambroŭskaha.
Abvinavačany Vasil Hryckievič da zatrymańnia pracavaŭ padłoŭčym i nie chavaje, što sapraŭdy pradavaŭ Štejnu vintoŭki. Ale sam ich nie nabyvaŭ: zbroja ŭ jaho było ad baćki i dzieda, znachodziŭ jaje na terytoryi doma i dvara.
Były śpiecnazaviec i kamandzir uzvoda Mikałaj Dambroŭski abvinavačvajecca ŭ realizacyi kulamiota, vybuchovych rečyvaŭ i hranat Leanidu Štejnu, a taksama ŭ źmienie madyfikacyi zbroi — pierarobcy chałastoha ŭ stralajučuju. Havorka idzie pra makiet aŭtamata Kałašnikava, u jakim falšstvoł byŭ zamienieny na sapraŭdny, ustaŭleny pracoŭny zatvor zamiest imitacyi, i inšych manipulacyjach sa zbrojaj.
Dambroŭski poŭnaściu admaŭlaje svaju vinu, a inkryminujemyja jamu dziei nazvaŭ na sudzie «poŭnym tryźnieńniem i paklopam». Jon kazaŭ, što nie pradavaŭ Štejnu ni kulamiot, ni hranaty, ni vybuchovyja rečyvy. «Kab heta pradavać abo pieradavać kamu-to, treba heta mieć. U mianie praviali dvaccać pieratrusaŭ i znajšli tolki žmieniu iržavych patronaŭ, i ŭsio», — padkreśliŭ były specnazaviec.
Raniej dziaržabvinavaŭca zaprasiŭ dla Štejna 7 hadoŭ kałonii ŭzmocnienaha režymu z kanfiskacyjaj majomaści. Dla Dambroŭskaha 8 hadoŭ uzmocnienaha režymu z kanfiskacyjaj i pazbaŭleńniem voinskaha zvańnia «kapitan». Dla Hryckieviča — 6 hadoŭ z kanfiskacyjaj.
4 lipienia sud vyniesie abvinavačanym prysud.
U načalnika CEC Haradziejskaha cukrovaha kambinata znajšli ceły arsienał — kulamiot, aŭtamaty, vintoŭki
