Zasnavalnik i vakalist rasijskaha hurta «Vysakosny hod» Illa Kalińnikaŭ pamior va ŭzroście 46 hadoŭ u adnoj z maskoŭskich balnic. Pra heta paviedamiŭ dyrektar kalektyvu Alaksiej Kan. Pryčynaj śmierci stała spynieńnie serca.
Hrupa «Vysakosny hod» była zasnavana Kalińnikavym u 1990 h. u padmaskoŭnym Frazina.
Kalińnikaŭ — aŭtar chitoŭ «Mietro», «Najlepšaja pieśnia pra kachańnie» i hałoŭnaha saŭndtreku kultavaha telesieryjała «Dalnabojščyki» — «Cichi ahieńčyk».
«Składana ŭspomnić, chto jašče ŭ 1990-ja — 2000-ja ŭmieŭ tak dachodliva i łakanična raspaviadać historyi ŭ pieśniach. Paetyčnaja intanacyja Illi Kalińnikava — heta hołas maskoŭskaha, mienavita maskoŭskaha intelihienta, jaki sprabuje źbierahčy ŭ vialikim horadzie «cichi ahieńčyk» svajoj dušy, paprostu — zastacca čałaviekam», - napisaŭ A. Kan.
