Ija Małkina pryznačanaja namieśnikam staršyni dziaržkancerna «Biełdziaržcharčpram». Adpaviednaje rašeńnie źmiaščajecca ŭ pastanovie ŭrada № 415.
Fota ecoidea.by.
Ija Małkina skončyła jurydyčny fakultet BDU (1997), a taksama Akademiju kiravańnia pry prezidencie (2000). Pracavała ŭ Departamiencie humanitarnaj dziejnaści pry prezidencie, u Ministerstvie sielskaj haspadarki, Ministerstvie pryrodnych resursaŭ.
Jana — žonka Viktara Kučynskaha. Były paplečnik Alaksandra Łukašenki niekali prasłaviŭsia tym, što sabraŭsia z hranatamiotam u rukach abaraniać kiraŭnika krainy.
Da maja 2019-ha Ija Małkina była pieršym namieśnikam ministra pryrodnych resursaŭ i achovy navakolnaha asiarodździa, pakul nie zvolniłasia pa skančeńni terminu kantraktu.
Jana była adnoj z aŭtarak knihi «Finansavaja dyjeta», jakaja vyjšła pad redakcyjaj kolišniaha pamočnika prezidenta ŭ pytańniach ekanomiki Kiryła Rudaha i była ŭspryniataja jak manifiest libieralna nastrojenaj častki čynavienstva.
Iju Małkinu nazyvajuć samaj stylnaj čynoŭnicaj najvyšejšych šerahaŭ. Sapraŭdy, chto jašče advažvaŭsia apranać rvanyja džynsy ci chipstarskija akulary?