U Kramli śćviardžajuć, što pytańnie losu zatrymanych u Kierčanskim pralivie ŭkrainskich marakoŭ znachodzicca za miežami jurysdykcyi Mižnarodnaha trybunała pa marskim pravie, pišuć infarmahienctvy.
Pra heta paviedamili 25 červienia, u toj dzień, kali skončyŭsia termin vykanańnia daručeńnia ab vyzvaleńni viaźniaŭ marakoŭ, pres-sakratar prezidenta Rasii Dźmitryj Piaskoŭ.
«Hetaja sprava nie źjaŭlajecca adkazčykam dla hetaj sudovaj instancyi, heta pazicyja Rasijskaj Fiederacyi, vy heta viedajecie», - skazaŭ Piaskoŭ.
Raniej u aŭtorak prezident Ukrainy Uładzimir Zialenski adznačyŭ, što choča bačyć, jak prychilniki viartańnia rasijskaj delehacyi ŭ PARIE buduć abaraniać i patrabavać čarhovaha viartańnia — viartańnia z pałonu ŭkrainskich marakoŭ.
«Nahadaju, mienavita siońnia, 25 červienia, skančajecca termin vykanańnia adpaviednaha zahadu Mižnarodnaha trybunała pa pytańniach marskoha prava. My ź nieciarpieńniem čakajem, jak ahučanyja tezy pra viaršenstva prava buduć uvasoblenyja ŭ realnaje žyćcio», - padkreśliŭ prezident Ukrainy.