Fota z Facebook-akkaunta Muzieja-siadziby Franciška Bahuševiča «Kušlany»
«Kušlanski fest» adbudziecca ŭ muziei-siadzibie Franciška Bahuševiča «Kušlany» 29 červienia ad 12 da 17 hadziny, paviedamiła BiełTA.
Jon budzie pryśviečany žyćciu i tvorčaści paeta Franciška Bahuševiča, adnaho z baćkoŭ našaj litaratury.
Projduć majstar-kłasy ad ramieśnikaŭ i pa narodnych tancach, ekskursii pa muziei razam z krajaznaŭcam, zachavalnikam siadziby Alesiem Žamojcinym, a taksama vystupy muzykaŭ. Budzie kvest «Jak praŭdu šukajuć», zabaŭlalnyja zaniatki dla dziaciej i darosłych «Feścik: hulańni Ŭ narodnym styli», majstar-kłasy pa vyrabie vycinanki i lalek, pakazalnyja spabornictvy dudaroŭ «Dudarski batł», vystupleńni falkłornych kalektyvaŭ, buduć pracavać ramieśnickija šerahi i palavaja kuchnia.
A dziakujučy partnioru mierapryjemstva - Nacyjanalnaj kinastudyi «Biełaruśfilm» - pakažuć film «Tutejšyja».
Łozunh festu - «Usim budzie čutna: ad kraju da kraju!»
Budzie arhanizavany aŭtobus ź Minska z ekskursijnym supravadžeńniem krajaznaŭcy Valanciny Karotkinaj.
