Adznačajecca, što ŭ 2011 hodzie Bohdan staŭ uładalnikam majontka bolš čym 1,5 tys. kv.m u Konča-Zaśpie. U 2013 hodzie žonka Bohdana kupiła dźvie kvatery ŭ centry Kijeva na 300 kv.m. Zatym Bohdan aformiŭ na siabie šerah niežyłych ofisnych pamiaškańniaŭ na Dniaproŭskaj nabiarežnaj. Ich jon zdaje ŭ arendu.
Sam Bohdan tłumačyć svoj kapitał, tym, što jon šmat pracavaŭ i zajmaŭsia pradprymalnickaj dziejnaściu, choć z 2007 hoda pracavaŭ na dziaržaŭnaj słužbie.
Žurnalisty śćviardžajuć, što Bohdan faktyčna kansultavaŭ u kredytnych machlarstvach.
U pryvatnaści, u 2016-m hodzie Fond harantavańnia ŭkładaŭ vyjaviŭ kredytnuju afioru z pryciahnieńniem afšornaj kampanii «Ajdelbierh resorsis INK.» (Idelberg resources INC.), da jakoj spryčyniŭsia Bohdan i jaho biznes-partniory Ihar Pukšyn, Alaksandr Bavulin. U 2014 Bohdan atrymaŭ davieranaść na pradstaŭnictva Idelberg resources INC ad Bavulina.
Afšornaja kampanija Idelberg resources ź Virhinskich vyspaŭ dapamahła «Śvietłavodskamu masłasyrkambinatu» z hrupy «Kłub syru» nie raźličycca za kredyt u banku «Finansy i kredyt».
Masłakambinat uziaŭ kredyt u banku ŭ 2007 hodzie pad zakład majomaści. U 2009-m bank źviarnuŭsia pa spahnańniem zakładu, bo doŭh pierad bankam užo skłaŭ kala 150 miljonaŭ hryŭniaŭ (11,6 młn biełaruskich rubloŭ), tady Idelberg resources zajaviła, što taksama pretenduje na hrošy kambinata, tamu što byccam by zajmała ich jašče da pazyki ŭ banku.
Dvuma pazovami ŭ Haspadarčym sudzie Kijeŭskaj vobłaści afšorka patrabavała viarnuć 202 młn hryŭniaŭ (15 młn rubloŭ), za jakija kambinat nibyta paručyŭsia pa pazycy «Karłaŭskaha zavoda suchoha małaka». Masłasyrakambinat na sudzie aficyjna pryznaŭ svoj doŭh, a 23.06.2009 sud padtrymaŭ abodva pazovy fiktyŭnaj firmy Ajdelbierh.
Pa dadzienych žurnalistaŭ, Bohdan dobra znajomy z členam praŭleńnia masłakambinata Alaksandram Kavalenkam, ciapier Kavalenka pa davieranaści Bohdana pradaje jaho ziamlu pad Kijevam u siale Zabujańnie.
Taksama ab suviazi z Bohdanam śviedčyć siabroŭstva z Ramanam Babijem, jaki ŭ 2009 pradstaŭlaŭ intaresy kambinata ŭ sudzie i pracavaŭ u adnoj firmie z Bohdanam «Pukšyn i partniory».
