Pomnik u farbie. Fota z sacsietki «Ukantakcie».
U tekście prysudu, jaki majecca ŭ rasparadžeńni pravaabarončaj hrupy, skazana, što ŭkrainiec heta ździejśniŭ «pa matyvach palityčnaj nianaviści», vyklikanaj niepryznańniem akupacyi Kryma.
Prysud Volha Čepiel vyniesła 17 krasavika 2019 hoda, ale infarmacyju pra heta pravaabaroncy atrymali tolki ciapier.
Ukrainca pryznali vinavatym u ździajśnieńni złačynstva, praduhledžanaha č. 2 art. 214 KK RF (vandalizm), i pryznačyli pakarańnie ŭ vyhladzie šaści miesiacaŭ pazbaŭleńnia voli z adbyvańniem pakarańnia ŭ kałonii-pasialeńni.
U dakumiencie taksama ŭkazana, što Sakuranka nie pryznaŭ svajoj viny i ŭ sudovym pasiadžeńni zajaviŭ pra svajo niežadańnie atrymlivać rasijski pašpart.
Žychara Kryma Maksima Sakuranku zatrymali nočču 28 studzienia 2019 hoda paśla taho, jak jon abliŭ čyrvonaj farbaj pomnik u Simfieropali rasijskim vajskoŭcam, što ŭdzielničali va ŭzbrojenaj akupacyi Kryma.
