president.gov.ua
Prezident Ukrainy Uładzimir Zialenski adkazaŭ na pietycyju z patrabavańniem pakinuć pasadu kiraŭnika dziaržavy. Pryčyn dla hetaha niama, zajaviŭ jon.
Zialenski spasłaŭsia na artykuł 108 Kanstytucyi Ukrainy, u jakoj havorycca, što paŭnamoctvy prezidenta spyniajucca daterminova ŭ vypadku:
— adstaŭki,
— niemahčymaści vykonvać ich pa stanie zdaroŭja,
— impičmientu,
— śmierci.
«Pa abjektyŭnych i, spadziajusia, zrazumiełym vam pryčynach pakinuć svaju pasadu ŭ adpaviednaści z punktami 1, 2 i 4 ja nie mahu», - napisaŭ prezident Ukrainy.
Jon dadaŭ, što nie moža pahrebavać volaj 73% vybarščykaŭ, jakija padtrymali jaho ŭ druhim tury, i raspavioŭ, što, choć i stamlajecca ŭ starym ofisie «z pryvidami kamunizmu ŭ šafach», u cełym niadrenna siabie adčuvaje i płanuje padtrymlivać dobruju fizičnuju formu.