Historyja biare pačatak jašče ad 2015 hoda, paviedamlaje abłasnaja milicyja.
35-hadovy žychar Maładziečna ŭ sacyjalnaj sietcy znajšoŭ akaŭnt nieznajomaj žančyny, ź jakoj zavioŭ pierapisku. Z časam u asabistaj pierapiscy źjaviłasia intymnaja fatahrafija maładziečanca. I tut žančyna pačała vymahać hrošy. Maŭlaŭ, kali surazmoŭca nie zapłacić, fota ŭbačać jaho znajomyja i siabry.
Maładziečaniec tut ža vydaliŭ staronku ŭ sacyjalnaj sietcy i zarehistravaŭsia nanova.
A fota, pa jaho słovach, znajšoŭ u internecie. Adnak pa vynikach ekśpiertyzy vyjavu pryznali parnahrafičnaj. Za heta pahražaje ad dvuch da čatyroch hadoŭ pazbaŭleńnia svabody.
Padčas pravierki milicyjaniery ŭstanavili, što ŭ fihuranta jość jašče adzin akaŭnt u sacyjalnaj sietcy, zarehistravany pad niesapraŭdnym imiem. Pačynajučy ad minułaha hoda ŭ adkrytym dostupie mužčyna raźmiaščaŭ hifki, jakija ekśpiertyza taksama pryznała parnahrafijaj.
Padazravany heta nie admaŭlaŭ. Patłumačyŭ, što stvaryŭ ulikovy zapis dla razavych pierapisak z žančynami.
Fihurant budzie adkazvać pierad zakonam pa dvuch faktach. Raniej jon fihuravaŭ u kryminalnych zvodkach, ale za majomasnyja złačynstvy.
Milicyja taksama daznalisia i kim ža była dama, što sprabavała raźvieści maładziečanca na hrošy. Stała viadoma, što padobnych kavaleraŭ u jaje ź dziasiatak. Bolš za toje, pa toj bok manitora siadzieŭ žychar Łahojska, jaki stvaryŭ akaŭnt pad prydumanym imiem dla virtualnych zabaŭ. U jaho adnosinach zaviali kryminalnuju spravu za raspaŭsiud parnahrafii.
