U anłajn-servisie videahulniaŭ Steam anansavali hulniu pad nazvaj Sex with Stalin. Jana pavinna vyjści 10 kastryčnika 2019 hoda. Jaje siužet apisany tak: «Vam — junamu padarožniku ŭ časie, vypała mahčymaść sustrecca z najvialikšym dyktataram usich časoŭ — Stalinym. A što dalej? Usio ŭ vašych rukach! Majcie znosiny sa Stalinym, raskryvajcie jaho samyja patajnyja sakrety! Dzialiciesia paradami i dapamažycie pravadyru pryjści da suśvietnaha panavańnia! Ci… pakažycie vusatamu, što takoje sapraŭdnaja mužčynskaja siła i kachańnie!»
Da apisańnia raspracoŭščyki prykłali niekalki skrynšotaŭ z hulni. Na niekalkich ź ich Stalin hoły. Naprykład, na adnoj vyjavie jon paziruje hołym na fonie dyvana, na inšaj — na fonie ŭłasnaha partreta pakazvaje siarednija palcy.
Paśla anonsu ŭ servisie Steam kampjutarnaj hulni Seks sa Stalinym (Sex with Stalin) Kampartyja Rasii zapatrabavała pravieryć jaje na «ekstremizm». Pra heta sa spasyłkaj na pres-sakratara lidara rasijskaj kampartyi Alaksandra Juščanku pieradaje Daily Storm.
«Heta pytańnie da pravaachoŭnych orhanaŭ, jakija pavinny ŭbačyć u hetych dziejańniach, u tym liku elemienty ekstremizmu i elemienty raspalvańnia. Pravaachoŭnyja orhany pavinny dać tut svaje ekśpiertnyja acenki. Jość peŭnyja siły, ludzi, jakija nie supastaŭlajuć svaje dziejańni z elemientarnymi normami marali», — paskardziŭsia kamunist.
