U Izraili pamior apošni z udzielnikaŭ paŭstańnia ŭ łahiery śmierci Sabibor Siamion Razienfield. Jamu było 96 hadoŭ.
Fota ź Vikipiedyi
Paŭstańnie ŭ Sabibory — adno z dvuch (razam z paŭstańniem u Treblincy ŭ žniŭni 1943 hoda) paśpiachovych paŭstańniaŭ źniavolenych kancłahieraŭ za ŭvieś čas Druhoj suśvietnaj vajny.
Siamion Rozienfield naradziŭsia ŭ 1922 hodzie, u miastečku Ciarnoŭka Vińnickaj vobłaści. Byŭ pryzvany ŭ Čyrvonuju armiju. U červieni 1941 hoda jaho połk stajaŭ pamiž Minskam i Baranavičami. U kancy lipienia 1941 hoda Rozienfield trapiŭ u akružeńnie, byŭ paranieny, a zatym uziaty ŭ pałon.
Znachodziŭsia spačatku ŭ Minsku, u kancłahiery SS na vulicy Šyrokaj, a u vieraśni 1943 hoda byŭ adpraŭleny ŭ Sabibor. U vyniku paŭstańnia chavaŭsia ŭ lasach, zatym znoŭ dałučyŭsia da Čyrvonaj armii. Pakinuŭ na rejchstahu nadpis «Baranavičy —Sabibor — Bierlin».