Žančyny na sustrečy z Papam u Jasach, Rumynija. Fota Andrew Medichini, AP.
Padčas sustrečy z moładździu i siemjami ŭ rumynskim horadzie Jasy Papa Francišak pracytavaŭ praroctva adnaho śviatoha rumynskaha pustelnika, jaki, na hetaje pytańnie adkazaŭ: «Kali zarastuć ściažynki pamiž susiedziami».
«Heta značyć, kali bolš nie budzie chryścijanskaj lubovi i razumieńnia pamiž bratami, svajakami, chryścijanami i narodami! Kali ludzi pierastanuć lubić adno adnaho, tady nastupić kaniec śvietu, bo bieź lubovi i biez Boha, nivodny čałaviek nie moža žyć na ziamli!» — patłumačyŭ Papa Francišak, piša Vaticannews.
Sustreča prajšła 1 červienia.
Francišak vykazaŭ radaść u suviazi z tym, što ŭ sustrečy brali ŭdzieł pradstaŭniki roznych narodaŭ. «Śviaty Duch źbiraje ŭsich nas i dapamahaje adkryć pryhažość byćcia razam, mahčymaści sustrečy, kab kročyć supolna.
Kožny sa svajoj movaj i tradycyjaj, ale ščaślivy być siarod bratoŭ», — zaŭvažyŭ jon.
«Nialohka kročyć razam, praŭda? Heta dar, ab jakim my pavinny prasić, heta praca, jakuju my pavinny rabić i skarb, jaki pavinny pieradavać!» — śćvierdziŭ pantyfik.
Papa nahadaŭ pra važnaść zachavańnia karanioŭ i pieradačy viery ŭ siamji. «Nie zabyvaj pra svaich mamu i babu, a taksama pra toje, jak prosta, ale mocna vieryli jany, jak heta davała im siłu i niastomnaść, kab iści napierad i nie apuskać ruk», — zaklikaŭ Francišak.
Pantyfik padkreśliŭ, što viera «nie vielmi cenicca na biržy», ale jana spryjaje budavańniu Božaha Vaładarstva i stymuluje luboŭ.
«My ŭsie raśćvitajem, kali adčuvajem siabie lubimymi, bo luboŭ puskaje karani i zaklikaje nas puścić ich u žyćcio inšych. (…) My naležym adzin adnamu, i my robimsia ščaślivymi, kali robim ščaślivymi inšych. Usio inšaje — kazki», — padkreśliŭ Papa.
Čytajcie taksama: Papa Francišak padčas vizitu ŭ Rumyniju jeździŭ na zvyčajnaj «Dačy Łohan» FOTY
Papa jedzie pa Buchareście. Fota romania-actualitati.ro.
Papa źviarnuŭ uvahu na vialikuju kolkaść «pravakacyj», jakija mohuć «pryvieści da rospačy i prymusić zakrycca ŭ sabie». Pierad abliččam hetych niebiaśpiek viera zaŭsiody dapamahaje čałavieku daryć inšym lepšaje ź siabie.
Francišak zaklikaŭ pieradavać vieru nie tolki na słovach, ale z dapamohaj žestaŭ, pozirku, łaski, prastaty i ščyraści.
Jon zaklikaŭ maŭčać i słuchać tam, dzie harmidar; adnaŭlać harmoniju tam, dzie chaos; nieści jasnaść tam, dzie jość nieadnaznačnaść; dzialicca tam, dzie isnuje adčužeńnie; zmahacca za mir tam, dzie jość ahresija; nieści praŭdu tudy, dzie jość falš; va ŭsim addavać pieravahu adkryćciu šlachoŭ, jakija dapamohuć ludziam adčuvać siabie dziećmi i bratami.
Akramia Jasaŭ, Papa naviedaŭ stalicu Rumynii Bucharest, miaściny, nasielenyja vienhrami ŭ centry Rumynii, sanktuaryj Dzievy Maryi ŭ Karpatach i bieatyfikavaŭ unijataŭ, pakutnikaŭ kamunistyčnaha režymu.
Sustreča ŭ sanktuaryi Baharodzicy ŭ Šumuleu-Čuk u Karpatach. Fota Andrew Medichini, AP.
