U supołcy AŭtaHrodna karystalnica apublikavała fota dziaŭčyny na rovary z prośbaj dapamahčy znajści viełasipiedystku. U redakcyju AŭtaHrodna skinuli spasyłku na videa, dzie dziaŭčyna stvaryła avaryjnuju situacyju. Jana pierajechała darohu, nie źlezšy z rovara, na čyrvony sihnał śviatłafora, što pryviało da avaryi.
Vypadak adbyŭsia na skryžavańni vulic Limoža i Kurčatava. Dziaŭčyna vyjechała na prajeznuju častku na čyrvony sihnał śviatłafora. Kab jaje nie źbić, kiroŭca VW Golf vycisnuŭ piedal tormaza, a aŭtar videa nie paśpieŭ.
Dziaŭčyna praciahnuła ruch u kamfortnym rytmie i pierasiekła ŭsiu vulicu na čyrvonaje. Pašancavała, što ź inšaha kirunku aŭtamabili tolki pačynali ruch.
Niadaŭna ŭ Biełarusi zaviaršylisia hramadskija abmierkavańni nakont novych punktaŭ PDR, siarod jakich prapanoŭvałasia dazvolić viełasipiedystam nie złazić z rovara na rehulavanych piešachodnych pierachodach. A rabić heta tolki na nierehulujemych. Aficyjnaje rašeńnie pa hetym pytańni pakul što nie ahučyli.
