Photo by: Sharp Mary Birch Hospital for Women and Newborns
U amierykanskim štacie Kalifornija daktary vyratavali novanarodžanaje dzicia. Pra heta paviedamlaje partał navinaŭ 10News.
U śniežnia 2018 hoda amierykanka, jakaja pažadała zachavać ananimnaść, naradziła dziaŭčynku pa imieni Sejbi pry dapamozie kiesarava na šostym miesiacy ciažarnaści (23 tydzień). Vaha niemaŭlaci składała usiaho 245 hramaŭ. Niedanošanaje dzicia źmiaścili na lačeńnie ŭ balnicu horada San-Dyjeha.
Pa słovach daktaroŭ, zaŭčasnyja rody byli nieabchodnaściu, pakolki płod va ŭłońni maci nie raźvivaŭsia, i žyćcio žančyny padviarhałasia niebiaśpiecy. U pacyjentki vyjavili prieekłampsiju - redkaje i niebiaśpiečnaje dla žyćcia maci i płoda ŭskładnieńnie, jakoje sustrakajecca tolki ŭ šaści adsotkaŭ ciažarnych.
Na praciahu piaci miesiacaŭ Sejbi znachodziłasia ŭ adździaleńni intensiŭnaj terapii novanarodžanych. Dziaŭčynka pakutavała ad takich uskładnieńniaŭ, jak kryvaciok u mozhu, prablemy ź lohkimi i sercam. U mai dzicia vypisali, da taho momantu jaho vaha dasiahnuła 2,5 kiłahrama.
