Śpiecyjalny prakuror ZŠA Robiert Miuler pakidaje svaju pasadu ŭ Ministerstvie justycyi. Pra heta jon paviedamiŭ padčas svajho pieršaha vystupleńnia paśla apublikavańnia dakłada pa rasśledavańni ŭmiašańnia Rasii ŭ amierykanskija vybary.
Miuler abjaviŭ, što aficyjna zakryvaje ofis śpiecyjalnaha prakurora i sychodzić ź Ministerstva justycyi, kab zaniacca asabistymi spravami.
Jon dadaŭ, što napisany im dakład pa rasijskim rasśledavańni «kaža sam za siabie».
Miuler u chodzie rasśledavańnia nie znajšoŭ dokazaŭ zmovy pamiž vybarčym štabam prezidenta ZŠA Donalda Trampa i rasijanami padčas vybaraŭ prezidenta 2016 hoda. Choć u jaho dakładzie apisvajucca šmatlikija dziejańni, učynienyja Trampam, kab pasprabavać pieraškodzić rasśledavańniu.
0
0
0
0
0
0
