Kiraŭnik partyi prezidenta Ukrainy Uładzimira Zialenskaha «Słuha naroda» Dźmitryj Razumkaŭ vystupiŭ suprać abviaščeńnia ŭ krainie defołtu. Pra heta jon zajaviŭ na pres-kanfierencyi, pieradaje «Interfaks-Ukraina».
Pa słovach Razumkava, abviaščeńnie defołtu pa zamiežnym doŭhu — «małavierahodny šlach», pa jakim Ukraina naŭrad ci zmoža pajści. Jon adznačyŭ, što bolš pradmietna hetaje pytańnie možna budzie abmiarkoŭvać paśla pieramoŭ kiraŭnika dziaržavy z pradstaŭnikami Mižnarodnaha valutnaha fondu (MVF), jakija pačnucca 28 maja.
Kamientujučy słovy ŭkrainskaha aliharcha Ihara Kałamojskaha, jaki i prapanavaŭ Zialenskamu abjavić defołt, Razumkaŭ adznačyŭ, što na Ukrainie isnuje pluralizm mierkavańniaŭ, tamu pradstaŭniki biznesu majuć prava na vykazvańnie lubych punktaŭ hledžańnia.
