Siłaviki ŭziali ŭ abarot kiraŭnikoŭ šerahu pradpryjemstvaŭ, jakija raniej uvachodzili ŭ chołdynh «Biełstankainstrumient». Hetuju infarmacyju Tut.by paćvierdziła infarmavanaja krynica. Ale ŭ pres-słužbie KDB admovilisia ad kamientaroŭ.
Terytoryja AAT «StankaHomiel». Fota belsat.eu.
Pavodle infarmacyi belsat.eu, na pracoŭnym miescy adsutničajuć kiraŭniki aršanskaha «Stankazavod «Čyrvony baraćbit», «StankaHomiela», Viciebskaha zavoda zatočnych stankoŭ, «Vistana» i šerahu inšych. Tut.by udałosia paćvierdzić infarmacyju ab zatrymańni kiraŭnikoŭ dvuch z hetych pradpryjemstvaŭ.
«Byli zatrymanyja top-mieniedžary šerahu pradpryjemstvaŭ stankabudaŭničaj haliny. Analizujecca ich finansavaja dziejnaść, atrymańnie chabaraŭ i adkataŭ», — skazała krynica.
